FESTIVALINHO 2007-SAN AMARO-ALDÁN-CANGAS. Venres 31/08/07

Volve o Festivalinho a facer da capela de San Amaro (en Aldán, preto do campo de fútbol do Rápido Bahía) un lugar especial, cheo de música  e actividades da man dun grupo de mozas e mozos que fan a súa aportación nun dos veráns con máis festivais dos últimos anos qeu se lembran no Morrazo.

A carballeira de San Amaro será un ano máis testemuña dos concertos que farannos pasar unha noite chea de boa música. Os grupos que actuarán serán Barni Gambel (un dos grupos revelación neste ano 2007, polo menos pra min, veñen de Moaña e farán as delicias dos  “festivaleiros”), Freetanga (os do Forte volven con forza, demostrando que son un dos grupos de referenica no eido musical morracense, sonará de novo o “Pousa Pousa” Alternativo).

Máis información en breve. Non podedes faltar a cita co Festivalinho o vindeiro venres.

Ouvean o pé da noite 24 noites de xullo e 25 días

Son catro lóstregos afundidos nun lago artificial, que afogou os soños dos irmandiños no seu afán de governar onde deben. Sen embargo, cada vez que fico a cabilar en onde está o erro, non encontro outra saída. “Loitar, loitar e loitar” eran as verbas que acompañaban a aquelas noites con neboeiros, o rocío calara os osos, e o fume dos cigarros confundíase co bafo que os meus pulmóns soltaban en cada intre que respiraba.

Eran homes con medo, pero con máis fame. Eran homes con familias, que tiñan medo, Eran nenos, pero querían ser persoas cando foran vellos. Eran moitos os que xuntando as suas forzas podrían destronar o que foi posto, valga a expresión, por ORDE DIVINA.

E seguirán ouveando o pé da noite 24 noites de xullo e 25 días, seguirán moendo os dentes dos que non teñen que mascar, e xeguiránmuxindo a vaca que fraca está de tanta leite que choraron os seus tetos. Mais non calaremos endexamáis

NORGE BATISTA- 23/08/07-BUEU

Norge Batista actúa en Bueu da man de Clubtura, outro colectivo do que xa falaremos máis adiante co fin de mostrar as diferentes asociacións que se moven dentro da nosa comarca. Esta noite teremos a oportunidade de poder disfrutar dos ritmos cubanos da man deste grupo que ven da Habana.

A entrada será de balde e a hora de comezo está pensada para as 22:30, e será na calle Pazos Fontela nº59 (Clubture)

THE TUMBITAS-24/08/07 CANGAS

O Sister Ray (Calle Ferrol, paralela a Avenida de Marín, local preto do Thais) será o local onde actuarán The Tumbitas, a hora de comezo está estipulada para as 22:30, e a entrada será de 3 euros.

Se queredes saber algo máis deste grupo podredes visitar http://profile.myspace.com/theetumbitas

FEIRA DO DISCO E CD CANGAS- 23/08/07 CANGAS

NA FONTE DO GALO-CANGAS

PECHE DO ELECTROXOVE 24/08/07 CANGAS

Este vindeiro venres, se es amante da música electrónica non faltes o peche do Electro Xove, iniciativa municipal, quen ven a presentar a diferentes artistas de novas tendencias musicais, tanto vangardistas como afíns a música electrónica. Feel The Trip, http://www.feelthetrip.com/, colectivo do que xa temos falado neste blogue, ten o orgullo de volver a presentarse como “alma mater”, polo que podemos escoitar moitos dos traballos dos artistas que participarán na noite do venres no seu espazo.

Por outra banda salientar que teremos autobuses gratuitos para chegar o lugar escollido para levar a diante o que será unha noite de ritmo a base de samplers e música electrónica. O lugar escollido será o Monte Carrasco en Cangas, lugar perfecto para levar a cabo dita iniciativa, xa que a festa podrase prolongar ata altas horas sen molestar a ninguén. Energy Control porá un stand no cal podredes informaros de diferentes cuestións relacionadas con drogas, alcohol e outro tipo de consumos perxudiciais para  a nosa saude, podedes visitar a súa páxina web,  http://www.energycontrol.org/