Bombaso de Notisia! Así arrancaban onte os telediarios, desta forma titulaban os xornais e matinais as súas primeiras páxinas, deste xeito se falaba nas radios locais, e nacionais, e todo gracias a que Ocioloxía saca unha vez máis unha noticia que está sendo todo un fenómeno social.
Moitos coñecían o fenómeno corsario en Coiro, esas abatidas nos ghaliñeiros, ou esas ghomitonas polo viño adulterado tinta femia da zona do Tromentelo. Non eran coincidencias, as ghuadañas de Coiro permanecían moito tempo no jalpón. O caso, esta noticia motivou que moitos colectivos estén colabourando de forma totalmente desinteresada con Ocioloxía co fin de saber algo máis dos Piratas do Río Bouzós. Por iso un grupo de irreductibles viciños de Cangas, coñecidos polos “idearos” (tribu-bravú do surlés peridional) están facéndonos chegar informacións de gran valor periodístico, a falta de contrastalas fontes de información, podemos dicir que o Sarjo e maila Marajota son dous dos corresponsais con máis futuro profesional de Cia Ocioloxía (Tamén hai que dicir que agora mesmo son os únicos que traballan desinteresadamente, esto é un valor engadido para estes mozos)
As informacións do Sarjo son claras e contundentes, os Piratas teñen amedrentada a poboación de Coiro, e as súas incursións en zonas habitadas está póndelle os ghuevos de corbata a xente. Por istes motivos Clarita (cervexa con ghaseosa) Millán, alcaldesa do Exmo. Concello de Cangas, fixo hoxe público que dará unha rolda de prensa acompañada dos servizos de protección e o novo corpo de seguridade, creado para a ocasión que se chamará “Coiro Sejuro”, máis coñecidos polo sobrenome dos CS.
As primeiras fontes conficenciais de Marajota, nome en clave de Mar-a-Jota, falan de Benito o Jrande, un corsario xa fichado noutrora pola “Jarda Sivil polo Seprona, pola Polisía Municipal, pola Asosiasión de Visiños e máis polo jefe do Jurásico, alí debe sinco tasas de tinto e dúas de branco”, todo según as verbas dun viciño de Coiro, que asegura coñecelo Pirata do Bouzós. Que dicir ten que é totalmente imposible que se trate dun feito aillado pois fontes marajotianas falan de documentos atopados nos que se expón parte do aparato loxístico da banda. Por outra parte fontes sarjonianas falan de accións bélicas recontrarrevolucionarias que están sendo máis que habituais polo que é posible que cheguen documentos gráficos dos atentados contra o mobiliario público de Coiro (según fontes anónimas din que roubaron todo o mobiliario público, senón por que non existen bancos nin farolas nin beirarrúas?)
A continuación publicamos as novas que nos chegan gracias o Marajota. Publicamos o texto literalmente para que vostedes xuzguen e intenten descifrar o mensaxe en braile que nos manda:
Tras cirurxiana operación dos servizos de intelixencia e recontraespionaxe estrutural informo dunha achega inédita. O noso merlo branco foi capaz de sacar, agachados no buraco do bolsillo do pantalón dous planos coas itencións de expansión futura dos discípulos de Benito o grande
A continuación os planos dos que o Marajota fala anteriormente:
Comentarios recentes