Se queredes coñecer un pouco mellor este colectivo podedes ver esta reportaxe. A Asociación Cultural A Tiradoura ven de facer un ano plagado de concertos, conseguindo traer grupos de renome o seu local social sen olvidar os grupos locais, os que empezan e que teñen moito que decir.
Preme aquí se queres velo.
Após a reacçom na rede e na comunicaçom social suscitada polo fecho do nosso site e comprovando o crescente agromar de diferentes e infundadas versons sobre o acontecido, alimentadas mesmo polas declaraçons da própria demandante em diferentes meios, vimos de decidir emitir um segundo comunicado para clarejar vários aspectos de nossa decisom. Concretamente sobre o processo encetado polo advogado de Dona Yolanda Castaño Pereira contra a nossa publicaçom, no que segundo ela própria, só se colocaram em causa apenas os comentários do site e nom o desenho gráfico de “Teu Quoque Yolanda?”. Com tal motivo, vemos-nos na obriga de publicar a carta remetida via mail polo seu advogado, Dom Pablo Carvajal de la Torre, para demonstrar a ausência de veracidade nas suas declaraçons mediáticas.
Depois de traduzir a carta ao galego e compreender o seu conteúdo, solicitamos um tempo de reflexom para consultar com a nossa advogada, e depois de ser rejeitada tanto a nossa oferta de retirar os comentários e manter o desenho gráfico como o nosso desejo de resolver o assunto entre as pessoas e nom mediante advogados, fomos requeridos por Dom Pablo Carvajal através da nossa advogada a despublicar tudo antes da próxima segunda-feira 22 de Outubro. Por umha parte doeu-nos nesta situaçom que entre criadores e criadoras galegas, se tenha que recorrer a advogados e ameaças judiciais para arranjar um problema do que nem sequer tínhamos constáncia. E por outra que se ponha em questom a sinceridade dumha decisom que foi dura de tomar polo que supom retirar da rede o trabalho de quatro anos. As acusaçons de vitimismo e reacçom desmedida estám fora de lugar: o fecho era a única medida possível para evitar um processo judicial que repercutiria muito negativamente sobre ambas as partes sem claudicar do nosso direito à liberdade de expressom. Queremos lembrar que o feche seria reversível se, como agora afirma a demandante, estivesse disposta a aceitar por escrito ou pessoalmente a nossa já reiterada oferta de retirar os comentários e manter o desenho gráfico. Nom é a nossa intençom prolongar por mais tempo esta absurda situaçom na que todos e todas podemos acabar por nos travar a língua e nos fazer sangue no principal órgao de expressom humana:
a boca.
Presentación do X Encontro Degustación do Millo Corvo: 08 de marzo del 2008.
Xornadas educativas cos nenos dos colexios (”Ciclo do pan”): semana do 10 ao 14 de marzo. Os cativos realizarán o “Ciclo do Pan”: debullarán as mazorcas de millo corvo, irán ao muíño a moer os grans e obter fariña e amasarán e cocerán a bola corva de porta aberta nun forno tradicional.
Obradoiros participativos: (do 24 ao 27 de marzo). Necesario inscripción.
Obradoiro de follaco: celebrarase os días 25 e 27 de marzo ás 20:00 horas
Obradoiro de cestería tradicional: celebrarase os días 24 e 26 de marzo ás 20:00 horas.
X ENCONTRO DEGUSTACIÓN DO MILLO CORVO (do 28 ao 30 de marzo):
Muiñada de todo o día: 28 de marzo. O muíño da Presa (no Canudo - Bueu) permanecerá aberto e funcionando durante todo o día, e pola noite contarase con música tradicional e a degustación da tradicional queimada ás 12 da noite.
Sábado 29 de marzo.
Charla – coloquio.
A continuación celebrarase o festival “A Pan de Millo”, onde se contará coa actuación de diferentes agrupacións tanto musicais como de baile tradicional. Tamén se contará coa elaboración das recetas máis tradicionais e antergas na Ecotaberna.
X Encontro Degustación do Millo Corvo: domingo 30 de marzo. Dende as 11 da mañá contarase con múltiples actividades durante
A Asociación Cultural Retrouso recibe con importantes novidades o novo curso 2007-2008. A partir de outubro, novos profesores toman as rendas das aulas de perfeccionamento do colectivo.
Guillerme Ignacio, cantador e gaiteiro de Quempallou e d’O Tear de Llerena, impartirá pandeireta e canto tradicional en Cela os mércores en dúas quendas: ás 19.30 h e ás 21.00 h, segundo o nivel do alumnado.
Alberto Costas, respectado percusionista, dará clases de iniciación e perfeccionamento de percusión os xoves, ás 20.30 horas.
Cristóbal Prieto, gaiteiro e artesán do Hío, ensinará a tocar a gaita os sábados desde as 11 horas da mañá.
Teresa Pedrouso, curtida no ensino de acordeón en conservatorio, emprende o obxectivo de crear un grupo de acordeonistas ligados ao repertorio tradicional. Será os martes ás 18 horas, con aulas de hora e media. Antes, ás 17 horas, ofrecerá, separadamente, formación de linguaxe musical.
A estrutura de baile mantense, con escolas de base nas parroquias de Ardán, Beluso e Cela e Margarita Pérez, fundadora de Andarela, como directora artística. Tamén a do coro, que seguirá ensaiando os luns ás 21 horas, baixo a batuta de Carme Pereira.
Todas as actividades musicais se realizarán no salón de actos do Centro Sociocultural de Cela, en Bueu. A medio camiño entre Bueu e Marín e a un cuarto de hora de Cangas e Moaña (por Paradela): no centro do Morrazo! (RETROUSO)
Deskarga Furtiva ven a cubrir un espazo baleiro no panorama musical da zona. Quizáis a súa pretensión sexa a de dar cabida a grupos que por si sos non terían fácil expandirse no difícil mundo da música. Por iso a propia asociación serve de pedestal para levar adiante a contratación dos grupos que a conforman. Sen lugar a dúbidas o colectivo ten unha cabeza visible é Suso Kaos, lider do gran grupo punk do Morrazo, SOAK.
Os grupos que conforman dita asociación están a ter unha gran cabida en concertos e festivais por Galiza adiante. Podremos ver a lista de concertos na súa páxian para darnos conta da gran labor qeu están a levar a diante os integrantes de DESKARGA FURTIVA. HTTP://www.deskargafurtiva.com/
O sábado 25 de agosto está previsto qeu se leve adiante o Concerto Antifeixista, tendo luagar as 22:30, pero con actuacións dende as 19:00. O lugar, como é habitual, será o Local Social de Reboredo, da man da Asociación Cultural da Tiradoura. Os grupos que estarán o vindeiro día 25 en Reboredo serán: A TUNA RASTAFARI, MOTOR PERKINS, SOAK e TANGANA SHOW.
O concerto será de balde e podredes colaborar ca organización consumindo na barra da asocición bebendo e comendo por prezos razonables. Tamén se reservan unha actuación sorpresa a partir das 19:00.
FEELTHETRIP é a referencia na música electrónica no Morrazo. O colectivo non está formado só por xente da comarca, algúns dos seus integrantes son de fora, inda que a gran maioría dos mozos son de aquí. Entre os seus propósitos está difundi-la música electrónica da mellor forma que saben, pinchar e producir temas por todos os locales que lle den a posibilidade.
Moitos dos seus integrantes son residentes en discotecas, pubs e afters da zona. Un claro exemplo é Artus, integrante do colectivo, que ten a súa residencia no D2 os sábados pola noite, único local da zona na que podemos escoitar música electrónica un sábado de madrugada. De todas formas debemos salientar que teñen tendencias musicais moi diferentes entre eles, indo dende o house, minimal ata o techno ou o electro. Moitos amigos por toda a xeografía estatal, dende Andorra ata Ibiza ou Salamanca, o que fai que o colectivo comparta cartel con moitos dj´s de fama nacional.
Co proposito de mundializa-los seus temas, FEELTHETRIP creou un espazo en “myspace”: http://www.myspace.com/feelthetrip, inda que a súa propia páxina permite descargar temas dos membros do colectivo, se querendes saber algo máis destes virtuosos dos samplers e dos vinilos podendes visitalo a súa páxina: www.feelthetrip.com
Por último decir que FEELTHETRIP está detrás da posta en marcha dun ambicioso proxecto, que intenta promover a música electrónica e abrir eidos propios doutros estilos de música para que por un día se escoite algo diferente. Dito proxecto ven a complementar o proxecto municipal do Directo Xove, e chámase Electro Xove. Botarlle un ollo o cartel onde podrendes ver cales son as actuacións previstas para este verán nos diferentes locais de Cangas.
Recent Comments