TERRAS DO MORRASO

Un novo blogue comeza a súa andaina. Esperamos que todo vaia moi ben. Moito ánimo para os creadores e un apoio total.

TERRAS DO MORRASO

NOVO BLOGUE DE OBEROBREO

Hoxe temos unha boa nova que dar o mundo cibernético. Oberobreo chega a WordPress cunha nova bitácora onde nos deleitará cos seus traballos, esperamos que a súa andaina no mundo blogue vaia moi ben, e dende este portal queremos dalos folgos necesarios para que así sexa.

Polo momento Ocioloxía e Oberobreo están a traballar xuntos en diferentes proxectos, abofé que en datas próximas podremos disfrutar dos traballos que unen a estes dous portais.

PIRATAS DO RÍO BOUZÓS-A REVELACIÓN DUN POBO.-

“O que nunca sae nos medios e como se non pasaxe” Típica frase dun periodista que nunca estivo no Morrazo e non coñece o movemento corsario do Rió Bouzós, o caso é que ate fai poucas semanas Ocioloxía daba avances sobre o que acontecía na ribeira do afamado río de Coiro. Recordando un pouco as antigas novas sobre este tema, decir que a poboación da parroquia de Coiro estaba atemorizada pola adulteración do viño do país, sobre todo por que esta nova salía a luz en plena actividade dos furanchos (bebedoiros municipais).

Aquí a asociación de furanchos de Coiro no ano da súa fundación no 1993. No centro con camisa blanca o irmau do “Jaseosa”, o “Mirinda”. A súa esquerda o seu fillo, o “pesicola”.

Delmiro Casas alias “Jaseosa”, é o presidente da asociación de furanchos do val de Coiro, e en declaracións a un dos nosos reporteiros puidemos entre ver o medo que reinaba no gremio, “estamos acojonados, non sabemos se a tempada será boa, ijual ate perdemos cuartos se Felisinda non fai o dobre de tortillas con chouriso” Ademáis o “Jaseosa” xunto co Culío e o Bizcochito, foron declarados “non gratos” na ribeira do río, polo que os veciños fixeron mobilizacións frente a casa reitoral de Benito I “O Jrande”. O domicilio da xefatura de estado de Coiro converteuse nun verdadeiro campo de reivindicacións sociais, de defensa dos intereses dos máis débiles e dunha luita contra a precariedade que vive este pobo do Morrazo.

En declaracións a Ocioloxía un veciño anónimo que se fai chamar Atilano, dixo que “as asións de Benito I “O Jrande” non deben de ser aseptadas polo pueblo, deben ser asións para o ben da xente, e inda diría máis, a idiosincrasía da poboasión de Coiro pide a derojasión das leis concursais que levaron o cura o poder, a desarmortisasión é un dereito non un privilexio daljúns, a casa reitoral e as terras da fraja deben ser para os de Coiro”

En resumidas contas, o que Ocioloxía saca de todo este feixe de novas soltas,  é que o pobo de Coiro culpa directamente o mandatario Benito I, quen segundo fontes do Banco Canario Sahariano, posúe unha enchenta de bens inmobiliarios, e que agora podría estar pasando por un momento de crise económica. Ademáis o pobo de Coiro culpa tamén a Xefatura de Estado da actual situación corsaria na ribeira do Bouzós, algo que nin os máis vellos recordan algo parecido.

REPORTAXE DA TIRADOURA

Se queredes coñecer un pouco mellor este colectivo podedes ver esta reportaxe. A Asociación Cultural A Tiradoura ven de facer un ano plagado de concertos, conseguindo traer grupos de renome o seu local social sen olvidar os grupos locais, os que empezan e que teñen moito que decir.

Preme aquí se queres velo.

Aduaneiros sem fronteiras (II comunicado)

Após a reacçom na rede e na comunicaçom social suscitada polo fecho do nosso site e comprovando o crescente agromar de diferentes e infundadas versons sobre o acontecido, alimentadas mesmo polas declaraçons da própria demandante em diferentes meios, vimos de decidir emitir um segundo comunicado para clarejar vários aspectos de nossa decisom. Concretamente sobre o processo encetado polo advogado de Dona Yolanda Castaño Pereira contra a nossa publicaçom, no que segundo ela própria, só se colocaram em causa apenas os comentários do site e nom o desenho gráfico de “Teu Quoque Yolanda?”. Com tal motivo, vemos-nos na obriga de publicar a carta remetida via mail polo seu advogado, Dom Pablo Carvajal de la Torre, para demonstrar a ausência de veracidade nas suas declaraçons mediáticas.

Depois de traduzir a carta ao galego e compreender o seu conteúdo, solicitamos um tempo de reflexom para consultar com a nossa advogada, e depois de ser rejeitada tanto a nossa oferta de retirar os comentários e manter o desenho gráfico como o nosso desejo de resolver o assunto entre as pessoas e nom mediante advogados, fomos requeridos por Dom Pablo Carvajal através da nossa advogada a despublicar tudo antes da próxima segunda-feira 22 de Outubro. Por umha parte doeu-nos nesta situaçom que entre criadores e criadoras galegas, se tenha que recorrer a advogados e ameaças judiciais para arranjar um problema do que nem sequer tínhamos constáncia. E por outra que se ponha em questom a sinceridade dumha decisom que foi dura de tomar polo que supom retirar da rede o trabalho de quatro anos. As acusaçons de vitimismo e reacçom desmedida estám fora de lugar: o fecho era a única medida possível para evitar um processo judicial que repercutiria muito negativamente sobre ambas as partes sem claudicar do nosso direito à liberdade de expressom. Queremos lembrar que o feche seria reversível se, como agora afirma a demandante, estivesse disposta a aceitar por escrito ou pessoalmente a nossa já reiterada oferta de retirar os comentários e manter o desenho gráfico. Nom é a nossa intençom prolongar por mais tempo esta absurda situaçom na que todos e todas podemos acabar por nos travar a língua e nos fazer sangue no principal órgao de expressom humana:
a boca.

MILLO CORVO=MEIRO

Presentación do X Encontro Degustación do Millo Corvo: 08 de marzo del 2008.

Xornadas educativas cos nenos dos colexios (“Ciclo do pan”): semana do 10 ao 14 de marzo. Os cativos realizarán o “Ciclo do Pan”: debullarán as mazorcas de millo corvo, irán ao muíño a moer os grans e obter fariña e amasarán e cocerán a bola corva de porta aberta nun forno tradicional.
Obradoiros participativos: (do 24 ao 27 de marzo). Necesario inscripción.

Obradoiro de follaco: celebrarase os días 25 e 27 de marzo ás 20:00 horas

Obradoiro de cestería tradicional: celebrarase os días 24 e 26 de marzo ás 20:00 horas.

X ENCONTRO DEGUSTACIÓN DO MILLO CORVO (do 28 ao 30 de marzo):

Muiñada de todo o día: 28 de marzo. O muíño da Presa (no Canudo – Bueu) permanecerá aberto e funcionando durante todo o día, e pola noite contarase con música tradicional e a degustación da tradicional queimada ás 12 da noite.

Sábado 29 de marzo.
Charla – coloquio.
A continuación celebrarase o festival “A Pan de Millo”, onde se contará coa actuación de diferentes agrupacións tanto musicais como de baile tradicional. Tamén se contará coa elaboración das recetas máis tradicionais e antergas na Ecotaberna.

X Encontro Degustación do Millo Corvo: domingo 30 de marzo. Dende as 11 da mañá contarase con múltiples actividades durante

ANTIFA

RETROUSO CA CULTURA MORRACENSE

A Asociación Cultural Retrouso recibe con importantes novidades o novo curso 2007-2008. A partir de outubro, novos profesores toman as rendas das aulas de perfeccionamento do colectivo.

Guillerme Ignacio, cantador e gaiteiro de Quempallou e d’O Tear de Llerena, impartirá pandeireta e canto tradicional en Cela os mércores en dúas quendas: ás 19.30 h e ás 21.00 h, segundo o nivel do alumnado.

Alberto Costas, respectado percusionista, dará clases de iniciación e perfeccionamento de percusión os xoves, ás 20.30 horas.

Cristóbal Prieto, gaiteiro e artesán do Hío, ensinará a tocar a gaita os sábados desde as 11 horas da mañá.

Teresa Pedrouso, curtida no ensino de acordeón en conservatorio, emprende o obxectivo de crear un grupo de acordeonistas ligados ao repertorio tradicional. Será os martes ás 18 horas, con aulas de hora e media. Antes, ás 17 horas, ofrecerá, separadamente, formación de linguaxe musical.

A estrutura de baile mantense, con escolas de base nas parroquias de Ardán, Beluso e Cela e Margarita Pérez, fundadora de Andarela, como directora artística. Tamén a do coro, que seguirá ensaiando os luns ás 21 horas, baixo a batuta de Carme Pereira.

Todas as actividades musicais se realizarán no salón de actos do Centro Sociocultural de Cela, en Bueu. A medio camiño entre Bueu e Marín e a un cuarto de hora de Cangas e Moaña (por Paradela): no centro do Morrazo!  (RETROUSO)

DESKARGA FURTIVA

Deskarga Furtiva ven a cubrir un espazo baleiro no panorama musical da zona. Quizáis a súa pretensión sexa a de dar cabida a grupos que por si sos non terían fácil expandirse no difícil mundo da música. Por iso a  propia asociación serve de pedestal para levar adiante a contratación dos grupos que a conforman. Sen lugar a dúbidas o colectivo ten unha cabeza visible é Suso Kaos, lider do gran grupo punk do Morrazo, SOAK.

Os grupos que conforman dita asociación están a ter unha gran cabida en concertos e festivais por Galiza adiante. Podremos ver a lista de concertos na súa páxian para darnos conta da gran labor qeu están a levar a diante os integrantes de DESKARGA FURTIVA.  HTTP://www.deskargafurtiva.com/

 

CONCERTO ANTIFEIXISTA (Cangas) 25/08/07

O sábado 25 de agosto está previsto qeu se leve adiante o Concerto Antifeixista, tendo luagar as 22:30, pero con actuacións dende as 19:00. O lugar, como é habitual, será  o Local Social de Reboredo, da man da Asociación Cultural da Tiradoura. Os grupos que estarán o vindeiro día 25 en Reboredo serán: A TUNA RASTAFARI, MOTOR PERKINS, SOAK e TANGANA SHOW.

O concerto será de balde e podredes colaborar ca organización consumindo na barra da asocición bebendo e comendo por prezos razonables. Tamén se reservan unha actuación sorpresa a partir das 19:00.